Mae’r Academi Adeiladu Ar y Safle yn gynllun hyfforddiant, profiad gwaith a chyflogaeth tair blynedd a ariennir gan Fwrdd Hyfforddi’r Diwydiant Adeiladu (CITB) ac a ddarperir gan Wasanaeth Cynghori i Mewn i Waith Cyngor Caerdydd.
Os ydych am ehangu eich set o sgiliau ac ennill cymwysterau i weithio ar safleoedd adeiladu, gallwn gynnig arweiniad a hyfforddiant i chi. Rydym yn cynnig hyfforddiant a phrofiad gwaith o safon ar safleoedd gydag ystod eang o gontractwyr i roi’r sgiliau sydd eu hangen arnoch i ddatblygu eich gyrfa.
Rydym yn gweithio gyda’r grwpiau canlynol:
Mae Academi Adeiladu ar y Safle yn croesawu ceiswyr gwaith, newidwyr gyrfa a’r rhai sy’n dychwelyd i’r diwydiant.
Mae ein cwrs hyfforddiant adeiladu am ddim yn cynnwys:
- Sgiliau ail-gyflogi,
- tystysgrifau Bwrdd Hyfforddi’r Diwydiant Adeiladu (CITB) ar draws ystod o ddisgyblaethau,
- Iechyd a Diogelwch mewn Amgylchedd Adeiladu Lefel 1, a
- Cherdyn CSCS (Cynllun Ardystio Sgiliau Adeiladu)
Ar ôl hyfforddiant, rydym yn cysylltu ceiswyr gwaith â chyflogwyr i gynnig cyfleoedd cyflogaeth a phrentisiaethau ar draws de-ddwyrain Cymru.
Rydym yn cefnogi myfyrwyr addysg bellach i gael profiad gwaith ymarferol i ategu dysgu diploma adeiladu.
Rydym yn gweithio gyda cholegau yn ne-ddwyrain Cymru i drefnu lleoliadau profiad ar y safle i fyfyrwyr yn ogystal â chyfleoedd cyflogaeth i’r rhai sy’n cwblhau eu hastudiaethau.
Rydym yn derbyn atgyfeiriadau gan ystod eang o sefydliadau ar draws de-ddwyrain Cymru gan gynnwys:
- Awdurdodau lleol,
- Sefydliadau cyflogaeth y llywodraeth,
- Prosiectau cymorth cyflogadwyedd,
- Cymdeithasau tai, a
- Cholegau addysg bellach
Rydym yn gweithio’n agos gyda’r sefydliadau hyn drwy gydol taith y dysgwr i rannu cynnydd a thrafod materion, gan sicrhau’r deilliannau gorau posibl i bob dysgwr.
Rydym yn gweithio’n agos gyda phrif gontractwyr ac asiantaethau recriwtio ar draws de-ddwyrain Cymru i roi profiad a chyfleoedd cyflogaeth i ddysgwyr ar y safle i gwrdd â gofynion y sector.
Mae cyflogwyr yn chwarae rhan weithredol wrth ardystio dysgwyr fel rhai sy’n barod ar gyfer safleoedd a chyflogaeth, gan sicrhau eu bod yn gymwys i ddechrau eu gyrfaoedd ym maes adeiladu.
Os ydych chi’n gyflogwr, gallech gynnig cyfle i rywun ddatblygu ei yrfa yn y maes adeiladu.
Cymhwysedd
I fod yn gymwys i gael ein cefnogaeth mae’n rhaid i chi fod yn:
- Ddi-waith, neu’n
- Newid gyrfa o sector arall, neu’n
- Fyfyriwr Diploma Adeiladu
- 16+ oed (dim terfyn oedran uchaf)
- Byw yn yr awdurdodau lleol canlynol:
– Blaenau Gwent
– Pen-y-bont ar Ogwr
– Caerffili
– Caerdydd
– Merthyr
– Trefynwy
– Castell-nedd a Phort Talbot
– Casnewydd
– Rhondda Cynon Taf
– Torfaen
– Bro Morgannwg
